એ શું જાણે વ્હાલમ

સ્પર્શ તારો અડી ગયો મારા વિચારોને ,
દિલના રંગ-ભેદ શું? એ શું જાણે વ્હાલમ.

કાગળ પણ આખો લથબથ, લાગણીની ભીનાશે;
આ કોરું ધાકોર લખાણ શું? એ શું જાણે વ્હાલમ.

પ્રીતનો નશો પીનારાઓની સમજ બહાર છે,
જન્મારો મદમસ્ત ચાલવું શું? એ શું જાણે વ્હાલમ.

સઘળું હારીને પણ ક્યારેક કંઈક અમુલ્ય મળે,
જુગારમાં જીતનારા મળ્યું શું? એ શું જાણે વ્હાલમ.

સપનામાં રોજ આમ તો મળતાં રહ્યાં આપણે,
રોજ રોજ મળનારાં તરસ શું? એ શું જાણે વ્હાલમ.

લાજ શરમ તો દિલની દુનિયાની વાતો છે,
દિમાગથી ચાલતી દુનિયા શું? એ શું જાણે વ્હાલમ.